Fyrireikingarbreyt

Home / Fyrireikingarbreyt

Fyrireikingarbreyt

Um fyrireikingarbreytina

Fyrireikingarbeytin er ein almennandi og lestrarfyrireikandi útbúgving, ið fevnir breitt um fleiri evni. Vit stremba eftir at gera undirvísingina á fyrireikingarbreytini bæði fjølbroytta, viðkomandi og spennandi. Nógv er vanlig floksundirvísing, men bólka og verkætlanararbeið er eisini partur av gerandisdegnum. Á fyrireikingarbreytini fært tú eisini møguleika at arbeiða sjálvstøðugt við størri uppgávum.

Útbúgvingin er serliga ætlað tilkomnum, sum hava havt ein steðg frá skúlanum, men ætla sær víðari á eina styttri ella miðallanga hægri útbúgving.

Námsferðir, vitjanir og smærri verkætlanir uttanfyri skúlan og skúlatíðina eru vanlig, á fyrireikingarbreytini.

Framtíðarmøguleikar

Útbúgvingin gevur atgongd at søkja inn á hægri lærustovnar. At útbúgvingin, ið tekur tvey ár, í fleiri lærugreinum endar við lægri stigi enn útbúgvingar, ið taka trý ár, kann hava ávísar avmarkingar við sær. Hetta kann t. d. hava við sær, at ein, ið hevur gingið á fyrireikingarbreytini, og sum ætlar sær inn á ávísar hægri framhaldsútbúgvingar, kanska noyðist at taka eina ella fleiri lærugreinir á hægri stigi her.

Lærugreinar

1 FB

2 FB