Kunning til skúlabyrjan 2024-2025

Góði komandi næmingur

Vælkomin til Miðnám á Kambsdali. Her raðfesta vit góðan felagsskap og vitan, og bjóða tær at vera partur av einum livandi og innihaldsríkum umhvørvi. Vit vilja geva tær fakligar førleikar, sum tú kanst taka við tær víðari í lívinum. Skúlin byrjar aftur 14. august, og 1. ársnæmingar møta kl. 08.10

Tá tú byrjar á miðnámi, so er tað tín ábyrgd (ella skalt tú sjálv/-ur) at skaffa bøkur og lærugreinatilfar, og øll neyðug amboð, so sum teldu og forrit, ið vera brúkt í undirvísingini.  At fáa til vega buss-kort, og at senda umsókn til Studna um bókastuðul. Niðanfyri vera hesi evnir lýst nærri:

Tað er upp til hvønn einstakan lærara í ymsu lærugreinunum, hvørjar bøkur tit nýta, so hetta verður tú kunnaður um, tá tú ert byrjað/ur. Vanliga verða fysisku bøkurnar bílagdar frá bókhandli, og s-bøkur og kompendium verða keypt á skrivstovuni á skúlanum. Tað er umráðandi at keypa bøkur og annað beinanvegin, tú hevur fingið boðini frá læraranum um hetta.

Videovegleiðing:

Ert tú undir 18 ár, kanst tú søkja um bókastuðul, sum verður útgoldin fyrst í stuðulsárinum. Tú kanst søkja um stuðulin frá studna.fo ígjøgnum Vangan, og um tú ert undir 18 ár, kunnu foreldur tíni søkja fyri teg. Hevur tú søkt um bókastuðul, er ikki neyðugt at søkja um lestrarstuðul, tá tú ert fylt/ur 18 ár, tí hetta hendir av sær sjálvum.

Ert tú 18 ár ella eldri, tá tú byrjar á miðnámi, so kanst tú søkja um lestrarstuðul, hetta verður eisini søkt frá studna.fo ígjøgnum Vangan. Upphæddin er tongd at ymsum viðurskiftum sum t.d. bústaði, um tú eigur børn, o.s.fr. Meir kunning um upphæddir og krøv um lestrarstuðul sæst á heimasíðuni studni.fo.

Øll lesandi, sum hava fyri neyðini at nýta Strandfaraskip Landsins (SSL), ferðast ókeypis aftur og fram í skúla. Tá tú søkti um upptøku á miðnám, kundi tú seta ein kross við, um tú ynskti tær eitt busskort. SSL sendir busskortini til skúlan, tú kanst avheinta tað á skrivstovuni fyrst í skúlaárinum. Um tú ikki hevur søkt um busskort, kann hetta gerast á heimasíðuni ssl.fo.

> Senda skúlanum 9. flokksprógv – kambsdalur@kambsdalur.fo

> Boða frá serstøkum viðurskiftum, sum kunnu ávirka skúlagongdina

> Rinda tilfarsgjald

Komandi næmingar

Várið 2024

9. flokkar úr upptøkuøkinum vitja á Miðnámi á Kambsdali.

Tann 28. februar fingu vit vitjan av 9. flokki frá Tofta skúla. Sí myndir niðanfyri.

Tann 27. februar fingu vit vitjan av 9. flokkum frá Fuglafjarðar skúla. Sí myndir niðanfyri.

Tann 23. februar fingu vit vitjan av 9. flokki frá Stranda skúla. Sí myndir niðanfyri.

Tann 22. februar fingu vit vitjan av 9. flokkum frá skúlanum á Skúlatrøð. Sí myndir niðanfyri.

Tann 21. februar fingu vit vitjan av 9. flokkum frá skúlanum við Løkin. Sí mynd niðanfyri.

Tann 6. februar fingu vit vitjan av 9. flokki frá skúlanum við Streymin. Sí mynd niðanfyri.

Vit hava 7 ymiskar breytir, soleiðis at tú kanst velja júst ta leið, sum tú heldur hóskar tær. Hesar eru FHS-Yrkisnám, búskaparbreytin, náttúrubreytin, hugbreytin, fyrireikingarbreytin, norðuratlantiski studentaflokkurin og serbreytin. Tú kanst lesa meiri um breytirnar á teiginum um ”útbúgvingar”.
Ymsar treytir eru fyri upptøku á ymsu breytunum.

Les um upptøku á breytunum her.

Skúlin bjóðar sjey ymiskar breytir innan bæði gymnasialt miðnám og yrkismiðnám. Á Kambsdali eru breytirnar FHS-yrkisnám, búskaparbreyt, náttúrubreyt, hugbreyt og fyrireikingarbreyt. Umsóknarfreistin er vanliga 15. mars í upptøkuárinum.

Umsóknarfreistin til norðuratlantiska studentaflokkin er 1. mars. Næmingar úr Føroyum, Íslandi og Grønlandi søkja um upptøku við at senda eina grundgivna umsókn til post@gribskovgymnasium.dk. Les meir um útbúgvingina her.

Bussar koyra til og frá skúlanum. Sí meiri kunning inni á ssl.fo.
Næmingar kunnu søkja um útbúgvingarstuðul sambært galdandi kunngerð um útbúgvingarstuðul.

Les meira her.

> Senda skúlanum 9. flokksprógv – kambsdalur@kambsdalur.fo

> Boða frá serstøkum viðurskiftum, sum kunnu ávirka skúlagongdina

> Søkja um stuðul frá Studna – www.studni.fo

> Rinda tilfarsgjald