Rúni lokið námsfrøðiligu útbúgvingina
Týsdagin 22. mars, var Rúni Rasmussen, lærari í virkisbúskapi og fígging, til endaliga próvtøku í verkliga partinum av námsfrøðiligu útbúgvingini. Rúni, sum er Cand.merc.aud, hevur undirvíst á Miðnámi á Kambsdali síðani august 2020, tá hann eisini tók námsfrøðiliga innleiðsluskeiðið. Skúlaárið 2021-2022 tekur hann námsfrøðiligu útbúgvingina, sum lærarar á miðnámi skulu taka, og í dag var so verkligi parturin liðugur. Ástøðiligi parturin endar við eini skrivligari próvtøku á Námsvísindadeildini móti sumri.
Innanhýsis vegleiðari í virkisbúskapi hevur verið Margretha Petersen og í fígging, Maria Gregersen. Uttanhýsismetari var Trygvi Olsen, lærari á Glasi. Námsleiðari var Joan Mohr.
Vit ynskja Rúna hjartaliga til lukku við próvnum.
Á myndini sæst í miðjuni Rúni Rasmussen við prógvi og blómutyssi, síðani Maria Gregersen vinstrumegin og Margretha Petersen høgrumegin. Uttast høgrumegin er Joan Mohr, námsleiðari á Kambsdali og uttast vinstrumegin stendur Trygvi Olsen lærari á Glasi, sum var uttanhýsismetari.
