Próvhandan – Gymnasialt miðnám

Fríggjadagin 24. juni var próvhandan á búskapar-, fyrireikingar-, hug- og náttúrubreytini á Kambsdali. Í ár vóru tað 140 studentar, sum fingu prógv. Próvhandanin fór fram í Ítróttarhøllini á Kambsdali.

Til próvhandanina framførdu næmingar, ið hava havt tónleik á A-stigi, tvey løg. Eisini framførdi Eik Klæmintsdóttir, næmingur, á klarinett.

Randi Hansen, Hallgerð Brim og Eyðun á Lakjuni sungu og spældu undir til felagssangin.

Rektarin helt røðu, áðrenn prógvini vórðu handað. Næmingarnir, sum høvdu bestu próvmetini á teimum fýra breytunum, fingu heiðurslønir fyri góðu avrikini, og næmingurin við bestu uppmøting fekk eisini heiðursløn. Viðurkenning varð eisini latin næmingaráðsformanninum, ið hevur umboðað endaflokkarnar í næmingaráðnum í ár.

Kristfríð Tyril tók myndirnar.