Fyrr í vikuni var norðuratlantiski studentaflokkurin á ferð í Klaksvík. Vitjað var í Klaksvíkar kommunu, har Jógvan Skorheim, borgarstjóri, greiddi frá um kommununa og vinabýarsamstarv hjá Klaksvík. Ein av vinabýunum hjá Klaksvík er Sisimiut, har næmingarnir ganga triðja árið av síni norðatlantisku studentaútbúgving. Eftir vitjanina var farið ein túr við stásiliga Draganum, ið er sera væl egnað til slíkar skúlaferðir.